TAKDIR JEUNG IKHTIAR

[Edisi Bahasa Sunda]

Assalamu’alaikum Wr. Wb.

Ibu/Bapak/Rai-rai sadaya, dina kasempetan ieu Komar bade ngabahas perkawis “Takdir jeung Ikhtiar”.

Tong ngedul wae atuh, nganggur, molohok, lockay, nangkring, nongkrong teu aya kahayang alias euweuh gadag, usaha atuh kadituh, naon-naon oge kudu diikhtiaran! Kata-kata eta tos biasa ku urang kakuping.

Aya deui: Ah tong tohtohan teuing, make hulu dijadikeun suku, jungkir jumpalik, lukat leket kesang unggal poe dudunya, tong hariwang-hariwang teuing hirup mah da aya takdir na!

Dua ungkapan bieu ampir patukangtongong salangkung mah, nu hiji nitah ikhtiar, nu hiji biasa-biasa wae kalawan dalih aya takdirna. Mana atuh nu leres? Nu mana atuh nu tiasa ku urang dicepeng kanggo ngambah kahirupan nu pinuh ku hideung bodas, hejo koneng ieu teh?

Pamadegan simkuring kieu: Eta papatah leres duanana. Tapi waktu ngararapkeunna nu benten. Nu miwarang ikhtiar, eta kedah dianggo kanggo ngamotivasi urang ngarah sumanget hirup, energik lir ibarat rek kumelendang di ieu dunya salawasna. Ti mimiti ngala suluh, ngeduk keusik, nyaring emas, ngorehan inten, nyuprih elmu, meuntas sagara, tur kakalayangan hiber ka langit pikeun nalungtik perkara-perkara nu teu aya di bumi, sumanget ikhtiar eta kedah ditanjebkeun singpageuh dina hate urang, ulang gedak ka anginan, ulah oyag ka caahan. Panceg pageuh teu galider saeutik oge. Eta tah papatah ikhtiar

Perkawis takdir: nalika urang tos satekah polah ikhtiar dugika saur paripaosna kaluar getih pikeun ngawujudkeun cita-cita, tapi masih oge teu kahontal, hirup ripuh, nasib miskin. Didinya urang nerapkeun prinsip yen hirup urang teh aya Nu Maha Ngatur, urang ulah egois nepika stress, kumargi urang salaku manusa teu tiasa nanaon, mung saukur bisa soteh, lamun diusikmalikeun ku Gusti Allah. Mangga urang sami-sami perhatoskeun wasiat Rasulullah saw ka Abu Dzar Al-Ghifari

وَأَنْ أُكْثِرَ مِنْ لاَ حَوْلَ وَلاَ قُوَّةَ إِلاَّ بِاللهِ.

…kuring dianjurkeun pikeun ngalobakeun maca “lâ haulâ walâ quwwata illâ billâh” (teu aya daya jeung upaya anging diusikmalikeun ku Gusti Allah).

Dina QS Ar-ra’d ayat 11: Allah ngelingan urang ngeunaan ikhtiar sakaligus ma’na gumantung kana takdir Manten-Na:

žcÎ) ©!$# Ÿw çŽÉitóム$tB BQöqs)Î/ 4Ó®Lym (#rçŽÉitóム$tB öNÍkŦàÿRr'Î/ 3 !#sŒÎ)ur yŠ#u‘r& ª!$# 5Qöqs)Î/ #[äþqß™ Ÿxsù ¨ŠttB ¼çms9 4 ÇÊÊÈ  

11. …Saenya-enyana Allah moal ngarubah kaayaan hiji kaum sahingga eta kaum ngarobah kaayaanna masing-masing. Jeung saumpamana Allah rek nakdirkeun kagorengan ka hiji kaum, maka moal aya nu bisa nolakna;

Nah, kalimat: “Saenya-enyana Allah moal ngarubah kaayaan hiji kaum sahingga eta kaum ngarobah kaayaanna masing-masing”: Berarti urang kudu ikhtiar samaksimal mungkin. Tapi

Kalimat: “saumpamana Allah rek nakdirkeun kagorengan ka hiji kaum, maka moal aya nu bisa nolakna” berarti urang oge moal bisa ajol-ajolan, kenah-kenah ngarasa pangpinterna, urang yakin bakal sukses, sementawis ka Gusti Allah malah dipopohokeun.

Kakuasaan Allah ka diri urang dikuatkeun oge ku ayat ieu an-Nahl: 93

ö`Å3»s9ur ‘@ÅÒム`tB âä!$t±o„ “ωôgtƒur `tB âä!$t±o„ 4 ÇÒÌÈ  

93. … tapi Allah nyesatkeun sahawae nu dikehendaki-Na jeung mere pituduh ka sahawae nu dikehendaki-Na.

Cindekna: Apabila para motivator mengatakan: di dunia ini tidak ada yang tidak mungkin, jangankan hanya uang, bumi dan samudera, bahkan langit, planet-planet beserta galaksi-galaksi yang super besar sudah Allah tundukkan untuk manusia. Betul, tapi ingat itu motivasi agar kita rajin berikhtiar, karena ikhtiar adalah kewajiban kita di dunia ini.

Sebaliknya: Duh gusti abdi tobaaaat, raraosan mah usaha teh tos satekah polah, raraosan mah cita-cita kuring teh saneh kanggo kuring sorangan. Kuring hayang bisa nulungan dulur-dulur kuring nu kakurangan, nu ripuh hirupna supaya bisa babarengan ibadah ka Gusti. Duh gusti ku naon atuh abdi, doa abdi teh gening teu dikabulkeun wae, malah anger we gening ripuh hirup teh, padahal ikhtiar mah ikhtiar, ibadah mah ibadah satiasa-tiasa, tapi kunaon atuh gusti…gusti……….Nah pami hate urang jumerit sapertos kitu, berarti urang kedah emut kana wasiat nabi tadi “teu aya daya jeung upaya anging diusikmalikeun ku Gusti Allah”.

Di dunya mah papasangan. Geulis-kasep, aki-aki nini-ni, calakan boloho, beunghar-malarat. Jadi mun urang tetep hirup ripuh maka sing sabar, tapi mun urang hirup rada genah, sing inget kanu sangsara tawis syukur ka Gusti Allah SWT.

Kumargi kitu, hayu urang sasarengan silih bantos supados tiasa ibadah kalayan khusyu’ ka manten-Na. Yu pupus sifat egois, pedah-pedah geus berhasil, jadi poho kanu leutik, nincak kanu sangsara, ngabobodo kanu kokoro. Yu urang jauhan sifat ngabudaus, natorogan nu saperti kitu. Urang gentos ku sifat bageur tur kayungyun nyaah pisan ka batur.

Hadirin. Mugi urang sadaya kagolongkeun jalmi nu soleh-solehah nu tumut tur patuh kana ajaran agama-Na. Sakitu nu kapihatur. Neda sihapunten tina sadaya kalepatan. InsyaAllah urang tiasa patepang sanes waktos.

Wassalamu’alaikum Wr. Wb.

Tags: ceramah bahasa sunda, ceramah basa sunda, tausiyah bahasa sunda, tausiyah basa sunda